غزل
مقّدراں چا ہرایا ہر گیوسے
جیڈے صدمے وی آئے جَر گیوسے
جداں در یار تے اغیار ویکھے
اُدوکے جیندیاں جی مر گیوسے
سنگت دی ہار اِنج بُزدل چا کیتا
پچھانویں اپنڑیں کولوں ڈر گیوسے
اُسے ہے دَر توں جھنڑکاں نال کڈھیا
جَینوں گولنڑ اساں در در گیوسے
سجنڑ دا راہ تے استقبال کرسوں
اِسے سِک اِچ نہ اجتائیں گھر گیوسے
توڑے اوکھا ہا اُس توں پھُٹ کے جیونڑ
ایہہ کوڑا گھُٹ اخیریں بھَر گیوسے
اُوہدے بارے زمانے ”درؔد؎“ پُچھیا
نہ وَلدا کول ہا چُپ کر گیوسے
No comments:
Post a Comment