گیت
دل کِتھے کھڑایائی بھولیا
گل روّونڑ پایائی بھُولیا
جَگ ٹھگباز دا علم تاں ہائیا
ناز اَدائیں تے ڈُلنڑاں ناہیا
مَنکُھ لوایائی بھُولیا
دل کِتھے کھڑایائی بھولیا
ایہہ انجام ہیئی اِچ کے لائی دا
بنڑیائیں اُلٹا شُغل خدائی دا
کے ہتھ آیائی بھُولیا
دل کتھے کھڑایائی بھولیا
ہُنڑ کیوں گھتنائیں حَال دوہائیاں
پہلے ناہنی سوچ کے لائیاں
گڈیا چایائی بھُولیا
دل کِتھے کھڑایائی بھولیا
وائے توں باہلے گھاٹے جھَل کے
بےقدراں دے سَنگ اِچ رَل کے
بھرم وَنجایائی بھُولیا
دل کِتھے کھڑایائی بھولیا
درؔد؎“ ہاہ تینوں بہوں سمجھایا
کر نئیں بالکل مانڑ پرایا
ہُنڑ ازمایائی بھولیا
دل کتھے کھڑایائی بھولیا
No comments:
Post a Comment