ساڈا دل تیرے وانگوں ملوٹا جُو ناہ تیری ہر ہک سزا نوں اَدا سمجھیائے
خود ریاکار ناسے اسے واسطے توئیں ریاکار نوں بےریا سمجھیائے
ویکھ ساڈا یقیں بھانویں مَنتار ہائیں سَنگ دی بیڑی دا تئن ناخدا سمجھیائے
تیں مداری تے اِنج اَنھّا اتبار ہاہ ہاؤں راہزن مگر رَہنما سمجھیائے
تیرے کَوڑے بُلارے نوں کھنڈ آکھیائے تیری ہر بدعا نوں دعا سمجھیائے
تیرے لالچ نوں دَائیا تے مانڑ آکھیائے تیری نفرت نوں تیرا حیا سمجھیائے
نیک جذبات دی ساری کائینات دا تینوں مُدخود تے فرمانروا سمجھیائے
پیار وچ رکھیائے ملحوظ توحید نوں ساری دنیا توں تینوں جُدا سمجھیائے
”درؔد؎“ سانوں بزرگاں دا فرمان ہے سپ وی پالو تاں وَت اُوہدی سیوا کرو
تیری فطرت دا پَک ہوندیاں وی سجنڑ تینوں لجپال صاحبِ وفا سمجھیائے
No comments:
Post a Comment