خان صاحب طالب حسین دردصاحب دا گایا ہویا گیت
شالا چیئنی بھارے توڑ دے جِدے نویاں نویاں لائیاں نی
سائیں بنڑنی اوکھے موڑ دے جِدے نویاں نویاں لائیاں نی
اسیں تاں یار غریب جُو ہاسے
بالکل تیرے لائق دے ناسے
اوہ ہِن سرکار دے جوڑ دے جِدے نویاں نویاں لائیاں نی
سائیں بنڑنی اوکھے موڑ دے جِدے نویاں نویاں لائیاں نی
مگروں لہہ بدقسمت گئے نی
من دے مقصد پورے تھئے نی
لبھ گئے نی لوک کروڑ دے جِدے نویاں نویاں لائیاں نی
سائیں بنڑنی اوکھے موڑ دے جِدے نویاں نویاں لائیاں نی
ایہہ نانہہ آدھائے توئیں کے کیتائے
توئیں خوش بخت دا لُہڑ کے پیتائے
پچ پونی لگدے لوڑ دے جِدے نویاں نویاں لائیاں نی
سائیں بنڑنی اوکھے موڑ دے جِدے نویاں نویاں لائیاں نی
ساڈی ککھ پہچان نہ ہووے
درؔد؎“ تیرا نقصان نہ ہووے
اُنہاں مگر اسانوں چھوڑ دے جِدے نویاں نویاں لائیاں نی
سائیں بنڑنی اوکھے موڑ دے جِدے نویاں نویاں لائیاں نی
No comments:
Post a Comment