غزل
سوچ ہر ہک دا بھلا ہر ہک بشر دی خیر منگ
ہوسیا راضی خدا ہر ہک بشر دی خیر منگ
سچ الا منصور وانگوں پڑھ انا الحق دار تے
جھوٹ توں دامن بچا ہر ہک بشر دی خیر منگ
قوم مسلم نوں اخوت دا ہمیشہ درس دے
نفرتاں جگ توں مٹا ہر ہک بشر دی خیر منگ
اے مُبلغ بھٹکیاں نوں دَس صراطِ مُستقیم
بھُلیاں نوں بھُلی نہ پا ہر ہک بشر دی خیر منگ
تینوں تیرے جذبیاں دا اجر دیسی کبریا
فرض اپنڑاں کر ادا ہر ہک بشر دی خیر منگ
فرقہ واریت دی اگ نوں فرق دی دے نئیں ہوا
نکھڑیاں نوں رل بہا ہر ہک بشر دی خیر منگ
جِبھ نوں سِی خلقِ خدا دا بنڑ نہ مجرم حشر نوں
چھوڑ غیبت تے گلہ ہر ہک بشر دی خیر منگ
درؔد؎“ تینوں یاد ہے طائف دا جے کر واقعہ
کر ہدایت دی دُعا ہر ہک بشر دی خیر منگ
No comments:
Post a Comment