گیت
کسے دا کوئی یار نئیں کسے دا اتبار نئیں
کوئی وی لجدار نئیں کسے دا اتبار نئیں
ایہہ سنگتی نال دے
پُجاری مال دے
نِبھیدے دِہنہ چار نئیں کسے دا اتبار نئیں
کوئی وی لجدار نئیں کسے دا اتبار نئیں
فسانے کوڑ دے
یارانے کوڑ دے
اوہ پہلے آلا پیار نئیں کسے دا اتبار نئیں
کوئی وی لجدار نئیں کسے دا اتبار نئیں
ایہہ جگ ٹھگباز ہے
تے تیرانداز ہے
توں ایڈا ہوشیار نئیں کسے دا اتبار نئیں
کوئی وی لجدار نئیں کسے دا اتبار نئیں
نہ ”درؔد؎“ احساس ہے
نہ لج دا پاس ہے
کسے نوں سُکھ وار نئیں کسے دا اتبار نئیں
کوئی وی لجدار نئیں کسے دا اتبار نئیں
No comments:
Post a Comment