گیت
نہوں جے نِبھا سگیندی چھوڑ دے
کر نہوں وفا سگیندی چھوڑ دے
میں تاں غریب تے کنگال ہاں
رَلیا سَببی تیرے نال ہاں
گڈھ نہوں جے چا سگیندی چھوڑ دے
کر نہوں وفا سگیندی چھوڑ دے
ککھاں وانگوں پیار چا رُلیئندا ہے
دُنیا دا ہاسہ چا بنڑیئندا ہے
جِند نہوں رُلا سگیندی چھوڑ دے
کر نہوں وفا سگیندی چھوڑ دے
گل تاں معلوم تینوں شائد ہے
دوستی تاں زندگی دی قید ہے
کَٹ نہوں سزا سگیندی چھوڑ دے
کر نہوں وفا سگیندی چھوڑ دے
سچ دی ہمیشہ ہوندی جِیت ہے
درؔد؎“ حلالیاں دی رِیت ہے
گل نہوں بچا سگیندی چھوڑ دے
کر نہوں وفا سگیندی چھوڑ دے
No comments:
Post a Comment