جَیندا ثانی رب کوئی نئیں بنڑایا
اوہ سوہنڑاں ہے دنیا تے آیا
گھر عبداللہ دا جَیں وَسایا
اوہ سوہنڑاں ہے دنیا تے آیا
بنڑی جَیندے لَئی کائینات اے
مدنی منٹھارﷺدی ذات اے
عشق دی بات اے
خود سائیں جَیندا رُتبہ ودھایا
اوہ سوہنڑاں ہے دنیا تے آیا
آئے رحمت بنڑ سرکارﷺاے
کُل نبیاں دے سردار اے
بہوں لجدار اے
بھارا جَیں ساڈی بخشش دا چایا
اوہ سوہنڑاں ہے دنیا تے آیا
طہٰ دا سر تے تاج اے
جَیندے ہتھ اُمّت دی لاج اے
صاحب معراج اے
جَینوں عرشاں تے رب نیں بُلایا
اوہ سوہنڑاں ہے دنیا تے آیا
آیا دو جگ دا سلطانﷺاے
جَیندا ”درؔد؎“ قصیدہ خوان اے
رب رحمان اے
جِنیں پتھراں توں کلمہ پڑھایا
اوہ سوہنڑاں ہے دنیا تے آیا
No comments:
Post a Comment