گیت
جے اگ لیسیں پکھیاں نوں چُبارے تینوں نئیں پچنڑے
ہمیشہ اُچے بختاں دے ہُلارے تینوں نئیں پچنڑے
ایہہ بھج تیرے تھر ویسن
دیہاڑے جداں ہر ویسن
جداں وی کائی بھیڑ بنڑی وَنگارے تینوں نئیں پچنڑے
جے اگ لیسیں پکھیاں نوں چُبارے تینوں نئیں پچنڑے
کسے وی تیتھے نئیں وِسنڑاں
کسے وی تینوں نئیں دِسنڑاں
توں کلہا کلہا ہو ویسیں سہارے تینوں نئیں پچنڑے
جے اگ لیسیں پکھیاں نوں چبارے تینوں نئیں پچنڑے
توں ”درؔد؎“ ڈُلا ویسیں
تے پکڑ اِچ آ ویسیں
غریباں نال کیتے ہوئے بُلارے تینوں نئیں پچنڑے
جے اگ لیسیں پکھیاں نوں چبارے تینوں نئیں پچنڑے
No comments:
Post a Comment