غزل
خدا دے حکم دی تائید کریئے
چلو فرعون تے تنقید کریئے
جہڑا اسلام دے ہووے منافی
اجیہے قانون دی تردید کریئے
جدوں سالار وی ہووے نابینا
کہڑی منزل دی وت امید کریئے
غریبِ شہر دے احساس بارے
امیرِِ شہر نوں تاکید کریئے
زمانے توں یزیدیت مٹائیے
سچے شبیؓر دی تقلید کریئے
فقط ماتم وی نئیں ساڈا مقدر
اساں وی زندگی وِچ عید کریئے
مٹاوے ”درؔد؎“ غفلت دی سیاہی
تلاش اِنج دا کوئی خورشید کریئے
No comments:
Post a Comment